Die Sielhouer praat

Koning van die motte

2012-01-30T05:38:00.000Z

Grof groen wol - sy jas
sy vonk deur gate vervloeë
loop soos geraamte onvas
met blonde strooi voor oë
soos wit was
wat sou kon flits
mits
hy sou opkyk
maar goddank
hy ontwyk

maar die motte
met vlerke van as
monde van as
harte van as
slinger dol indirek
soos die fluisterstemme
van dou
op kindergrafte
na jou.

'n Afstammeling bid

2012-01-01T21:05:00.001Z

My Vaders
Hier staan een van julle seuns
Nou 'n man
Ken ek julle?
Fluister julle in my drome?
Of vertel ek myself die slaaptydlegendes
En wieg ek myself op 'n skim se wysie

My Vaders
Moet my nie verlaat nie.

My Moeders
Hier staan een van julle seuns
Nou 'n man
Ken ek julle?
Die bloed van die vroue
Kloppend ook deur my are
Bied dit vir my 'n koers in my hart?

My Moeders
Moet my nie verwerp nie.

Tuimelend in the Noorde

2012-01-01T21:02:00.000Z

En so rol ons voort
Klippies onder die marmer gletser
Brokkelend soos krummels
Tussen reuse wit malers
Skaaf skuur kraak
Meestal teen mekaar
Meestal salig onbewus
Van die wit bo ons
Om ons

Ons dans op sy maat
'n Trae meedoënlose ritme
Wat wolkekrabbers kan neervel
En Uitvee
So glip ons al
Knersende botsende swetsende
Soos blink gepoetste bergtrane
In 'n tuimelende val na die Hel
En die See

Waar daardie baarmoeder
Ons met haar blou sout sal omvou
Eers sal wieg
Soos haar kinders
Dan sal werp
Op wye klipstrande

Ons bushalte tot die volgende
Ysige Ewigheid
Intussen
Uiteindelik
Die Insluimering
Gevul met
Die sand drome van 'n einde.

Vanaand begrawe ek vir Venus

2011-05-20T06:00:00.005+01:00

Vanaand begrawe ek vir Venus
Sy wat sopas uit die skulp
- soos vlinder uit 'n papie -
kleur laat bloei het oor
die donker doek van God

Sewentien jaar het die papie
Stil-stil in my takke geskuil
Gereed vir hierdie
Presiese
Oomblik

'n Onthulling van grenslose drome
Die besef dat ek naak voor
Perfektheid staan en staar
Op op op na die berg waar
sy sorgvry staan en lag

Vanaand begrawe ek vir Venus
Ek lê haar neer op die perdeblomme
Sodat ek langs my eie vrou kan rus
En sy op die oggendbriesie

* * * * * * * Weg kan dryf

* * * * * * * * * * * * *Na iemand anders.

Oor die Stokrivier

2011-05-16T16:21:00.002+01:00

oor die stokrivier is ek geneem
geruk en geskommel binne 'n
vliegtuig van papier
'ek is klaar met jou
'ek is klaar met jou'

die kettings breek los uit my
rug waar die skadu rus
en wag en lag en vinger wys
'ek kom vir jou
ek kom vir jou'

my voete toe- en afgesluit
van melkbos sand en moederband
so afgeslyt oor die vreemde
'waar ek die vreemde word
waar ek die vreemde word'

my kop skep lug sonder die
sug wat stoom uit bloedkoerant
maar die hart se wortels strek
'steeds terug dit beur
steeds terug dit beur'

al is die kettings gebreek
rem die wortels al hoe meer
my jonasvlug na Moby Dick
'sleep my steeds deur stokrivier
sleep my steeds deur stokrivier'

tot ek die skadu's lag verstaan
ek het nooit vir Babilon bereik
maar lê al die jare nog
'op die bodem van die stokrivier
op die bodem van die stokrivier'

Maar

2008-12-15T23:10:00.001Z

Maar die jou-jou het losgeskeur
Sonder trane sonder treur
(Al was dit seer)
En Aardse braak
Het 'n Eiland gemaak
En niemand kon die lawa keer.

G ek

2008-12-15T23:07:00.003Z

Tussen die onse lê 'n ek
Destyds in stof bedek
Uitgestrek
Voor Coca-Cola konsep
Drie - enig en vet.

My strand ook

2008-12-15T22:53:00.003Z

Mens stap oor die drumpel duine
Strompel, kniel vooroor
Terwyl die Hemelglans
Van engele met wolk titane
Op die goue horison dans.

Jou liefde wanneer dit kom

2008-07-20T15:09:00.005+01:00

Jou liefde wanneer dit kom
kleef aan my
deurweek my met skuldgevoel
van my private stoeiery
ongesiends?
Of het ek jou waaksaam
bespied
Die loer
Agter sulke fronse broei
vermoedes
En agter my - die lyke
verstrooid
Bebloedes van gister
Die skille van uitgeworpe oomblikke
En wat word van my verwag?
Sekerheid?

Gletser

2008-04-11T03:26:00.001+01:00

Oor die marmer wil my voete knars
blou koepel wit rivier
onder vrede wil spelonke bars
die kelders van die koue dier

Tiener

2008-04-11T03:24:00.000+01:00

Jy loop so onseker onvas haastig op
Pad, weg na erens anders
Jy dink jy vlug so
Graag wil jy bestaan maar
Die moeras eendersheid ‘n
Sop waarin jy verdrink wat jy
Help skink en oplaas as almal
Die laaste blerrie ene
Ook ophou dink
Dan kyk ons vir mekaar
Dan kyk ons vir onsself
En soek na iets enigeiets
Wat kan uitstaan agter die
Glans die hoofletters en
! @ "" Maar nie die ?
Dan word ons ouer en
klere grouer al vergryp sommige so
verbete die slete van hul verlede
wat weerkaats in brandies tussen
moeë hande op plastiek
tafeldoek langs selfhelp boek
selfbehep te selfverlore
en onder die geel lig waar oë
verdonker sal jy onthou
en wonder
oor jou stryd na niksheid

Sondebok

2008-03-02T01:06:00.004Z

Sondebok,
Jou misrabele ding
Dis vir jou wie die hellekoor
Vannaand gaan sing

Jou elke fout
Word luid ontbloot
Tot SO benoud
Trek liewer self die skoot

Die vingers wys
Die kwylle reën
Kom brand sy huis
En slag sy seuns

O Sondebok
Jou nuttige ding
Dis vir jou wie die hellekoor
Al-tyd sal sing

(Vir alle gruwels en probleme, sondes en flaters,
Laai maar net op die skouers van Afrikaners)

{Een idiotiese pis-video is nie = aan meer as 1500 plaasmoorde/verkragtings/martelinge nie. Dankie vir die gebalanseerde verslaggewing Yahoo, en al die Britse koerante...}

Tale of Two Continents

2008-02-14T04:53:00.002Z

Die Here moet nou help
Of te laat?
Miskien.
Heimwee kanker-roes
my ingewande
kanniemeer
In twee geskeur
Halwe mens in veiligheid
of Heeltemal in die duister?

Watse keuse is dit dié?
En as hierdie wurg
My laaste geloof onthoof
Met wie praat ek dán
Wié?

Die Knieër

2008-01-21T17:26:00.000Z

Kniediep tussen bakke en lyste
Knak en knetter die knieër se kneukels
Are en meel lê op die arms en vuiste
Die wit is ritmies gehul in die duister

Die tande die kners
Op die tafel een kers
Wat flikker en dans
'n Bitter séance

Voor kake van yster oopgegooi
Talm die knieër voor die hitte 'n ruk
Die vure smeul en beveel en hy gooi
Die sagte verdwyn, in tonge van rooi.

Die eerlike kroeg

2008-01-09T21:24:00.000Z

"Junne, ek hou van jou Skil"
"Skil? Jy meen soos Dop?"
"O ja, net soos Dop. Ek noem myne liewer 'Skil', dit laat my
minder aan my skooldae dink as 'Dop'."
"Wel, dankie. Joune is ook mooi. Wanneer het jy dit gekry?"
"Myne is 'n 76 model. En joune as ek mag vra?"
"78"
"Ja, baie mooi lyne. Ek hou van die bulte, dit laat my arme DNA bokspring"
"Ha, dankie jong. Hoekom arme DNA?"
"Wel, die voortplanting programeering is so ouderwets deesdae. Daar is mos genoeg van ons op hierdie arme planeet!"
"Nogal. Hoe hou jy jou Dop - jammer - Skil, in werkende orde? Die bakwerk lyk besonders stewig gebou... ja, daar voel ek nou my eie DNA ook roer." (Bloos)
"Ag, jy weet mos. Daaglikse oefensessies en goeie gehalte brandstof ten minste elke vier uur. Sover werk dit goed om ekstra bagasie van die bakwerk af te hou, en die enjin loop glad."
"Klink dieselfde as my onderhoudsprogram."
"So..."
"So..."

"Jou garage of myne?"

Massa Mens

2007-11-25T18:01:00.000Z

no name brand oë bekyk -

soos twee stil mane
vanuit
'n no name brand gesig
gevorm vanuit 'n stille keel
wat net vanuit 'n kraag kan uiter
saam gelas deur 'n
no name brand das
no name brand pak
no name brand lewe
'n linoneum vloer bestaan
waar niks 'my' is -

na Brad Pitt
en Jolie
op 'n voorblad
van People Magazine.

1994 Jan van Riebeeck Hoërskool CSV aand

2007-11-21T01:54:00.000Z

Toe ek vir een jaar op Jan van Riebeeck Hoërskool in Kaapstad skool gegaan het, het iemand my uitgenooi om die CSV aand by te woon.
Die aand het lekker begin. Ek, die ver-Engelsde ex-Table Viewer, was geleer om te 'Two-Step'. En nie sommer deur enigeiemand nie!
O nee. Deur Ann-Margaret Ravenscroft (of so iets). Sy was pragtig.
Twee van my nuwe goeie vriende was erg verlief op haar.
Al drie van ons moes ongelukkig tevrede wees met die droom weergawe van AMR, omdat sy nie 'geglo het in dating nie'.
Vir my was hierdie idee redelik...uniek, maar ek sou vinnig die teendeel van hoe 'uniek' dit werklik was, leer.
Na al die gedans dans al om die rondte lat die sweet so tap junne maar sy het 'n fietse lyfie ens ens. kom die twee gas sprekers aan die beurt.

Nou, julle weet mos daardie die Hari-Krisnas? Hulle bied jou een van hulle boeke verniet aan. Dan as jy, na vele ontwykings, tog ingee en een aanvaar, vra hulle 'maybe you could just donate something?"
Dan kyk jy in jou beursie. Net vyf rand. Jy haal dit uit en die ou kyk vir jou so jammer aan in stilte dat jy genoodsaak voel om maar weer te gaan krap in daardie beursie.

R8.24

Lang storie kort - die ouens gaan nie jou 'n boek 'skenk' in ruil vir 'n donasie van minder as R20 nie.

Daardie CSV aand was dit dieselfde storie. 'n Aand wat sommer bakgat weggespring het, vol van avontuur en belofte, raak toe al hoe suurder en suurder. Om die waarheid te se, na die einde van hierdie aand het ek op 'n Christelike hiatus van ten minste drie jaar gegaan.

Hier's hoekom:
Hierdie vale paartjie sit toe daar saam met ons op die vloer en begin te praat. Hulle praat oor die gevare van 'uitgaan' en gruwel stories oor swanger raak en hoe seuns meisies misbruik.
Die vraag ontstaan toe mettertyd oor hoe hulle dan bymekaar uitgekom het.
Wel, hulle was voorbereid op hierdie vraag.
Sannie(Kom ons noem haar Sannie): "Ek het een aan begin bid en bid. Ek het op my kniee gegaan en die liewe Here gevra om vir my 'n man uit te soek."
(OK, dis nog nie so erg nie, maar wag:)

"Toe lui die deurklokkie"
"Ek gaan toe en maak die deur oop, en daar staan hierdie wildvreemde man voor my. Sy eerste woorde was: 'Ek dink ek is veronderstel om met jou eendag te trou.'"
Doodse stilte.
Ek wag.
Vir die punch line.
Toe dit nie kom nie, toe beide net daar in 'n aura van ernstigheid en vroomheid bly sit, tref die ware punch line my toe teen die kop: Hulle is ernstig!
Van die ander in die sirkel begin toe instemmend hulle koppe te knik. Van die ander wat al tevore die SONDE van UITGAAN gepleeg het, laat sak weer hul hoofde in skaamte.
Ek - die 'nuwe ou' - wil net lag.
Toe ek later my mening gelig het dat uitgaan mens baie oor verhoudings kan leer, word ek letterlik gekruisig. Meestal deur die vroomes (lees: lelikes+AMR). Die ander sondebokke het net ietwat weg van my geskuif ( bly dat iemand uitgesonder kan word vir die SONDE).
Toe ek daar opstaan en loop, het ek my eie koers ingeslaan.
Agter my het die res gebly.
Hulle het seker dadelik vir my begin bid.

Op die rand

2007-10-11T17:41:00.000+01:00

Op ons kampeer stoel sit ek en stop Rum and Maple tabak. Verreweg my gunsteling.
Op die tweede verdieping van die woonstel is dit effe koel op die balkon vannaand. Ou Man Winter is besig om te loer na ons.
Hierdie stook-proses streel my gemoed op 'n amper fisiese-geestelike vlak. Die filter kom eerste, skroef pyp toe, frommel 'n bolletjie twak en stop, wysvinger eerste, middelvinger laaste...
Ek kroek vannaand. Gebruik die Bic inpleks van vuurhoutjies.
(Vuur-houtjies: Snaakse woord!)
Die son trek water oor die sederbome, daar doer teen die bult. Sy goue lig is maar leeg van hitte.
Tog, die wolke gloei weer roospienk, goud en purpur.
Dit is meteens goddelik én apokalipties.
Die Son is nou op sy eie gewandel oor die Stille Oseaan uit. More groet ons miskien weer vir mekaar, as die wolke net nie weer met sy betogings-eenheid hier opdaag nie.
Ja, as mense praat van "die Weste" of "weswaarts", met duim of kopknik miskien beduie, dan wys hulle as te ware na waar ek nou hier sit en rook.
So sit ek op my balkon, wat uitkyk oor die rand van die kaart. Hier op die rand van die wêreld. Hier is ek die een wat 'goeienag'-sê vir die Son, aan die ander kant sit daar seker iemand op 'n balkon in Japan en sê 'goeiemore'.
Die twak proe maar efferig, maar dit skeel my min.

Straatlig sentinel

2007-10-06T21:25:00.000+01:00

Die jas, das en tas is gom
Las stuk-stuk die man - hy sluk
Stilswyend met die lig alom
Koekon
Te midde die see van pik
Donker
Oë versonke
Wip weer heen en weer
Ingehok
Onder hierdie skil
Sit 'n sweer
Of nog 'n skil

Het Kruis

2007-10-04T02:49:00.000+01:00

In okerbruin skemerte gehul
sit skugter skoolbanke toebek en stil
........ons lippesaamgesnoer
deur molasse skadu's wat loer
en my heilige-grond-stilte vereis

sssh!
........wie durf dié donker kul?
Koue tektoniese plate
bedek met bloekom blare
verklap die jare
sedert lewendiges laas hier
........'aanwesig' was.
in muwwe groen geel bane
hang alles uiteindelik nou gedane
Verliefdes, verveeldes, en drome

..........stof atome...

Koffie

2007-09-28T21:57:00.000+01:00

"Koffie, Koffie! Anders val ek om..."
Dié ware woorde meul dronkweg
In die sirkus tent
Wat deesdae so gereeld in my breins plak
Ja, my lekker soet-bitter bruin bekertjie,
Kom week my koue gemoed!
Jy maak weer van my 'n smeulstofie,
En dis goed
Dis mos weer Winter se tyd.

Kom ons praat Groot Dinge
Ek en Jy
Soos Seerower kapteins
Volg ons skepe die konsternasies se sterre
Of sterte?
(Kyk hoe gooi ek vir jou 'n Betekenisvolle Frons
Om te wys: Dis Diep Dinge waarom ons nou Praat!)

Ek onthou nou weer die Bekertjie vol Nabyheid
Ons eerste afspraak by Elsie's
Saam het ons gehurk en ribbes gevryf
Om die gloed
En toe begin die bloed
Bietjie lekker saam klop
En kort voor lank
Vryf ons mekaar se ribbes!
Aitsa!
(Ja, Eva.
Jy is alewig doenig met my ribbes...)

Jy weet,
Die Winter is 'n romantiese seisoen
Hy kruisig homself
As ons gemene vyand
En glimlag skelmpies
Buite in die straat
Waar hy ons beloer deur die venster
Van ons seerower kajuit.

Maar jammer ek val jou in die rede
Vertel my weer,
vir die hoeveelste keer
Jou Plan vir ons volgende Avontuur,
Kaptein!
Ons het alles wat ons nodig het
Mekaar
En twee bekertjies Droom-brandstof...

Suiwer

2007-08-19T17:58:00.000+01:00

Oë sluk dronkweg sporadies
Oor haar tepels en hoendervleis
Dis koud agter die tralies
Waar note soos skote vreterig nóg eis

En Svetlana gooi hulle nog 'n stukkie
So tergend deur die opening
Van haar klein hokkie
En agter dooie oë kring...

'n Meisie met ouers en 'n hond

Oor en oor
Dit wek die krag agter haar glimlag
Vir diegene wat dit ooit hier opmerk

'n Honderd Rand skoot seil
Raak-raak oor haar dye tot tussen rooi stilette
Sy buig laag oor en tel dit stadig op
En haar vleis word verorber in ekstase...

Sondagmiddag

2007-04-23T02:14:00.000+01:00

Hier
in die middagson
waar ek
agter appels en piesangs
langs die tafel gewortel sit
hier
loer ek na jou

Doer
in die skemer se arms
al dwalend tussen blaaie
van nog 'n boek
nog 'n formule
ken jy selfs die naam
van jou jongste riller?
Ek wonder

Waar en wanneer
Ons twee weer sal ontmoet.

Van Gogh's crows

2006-11-25T18:33:00.000Z

The crows are coming
Black over yellow swirling wheat
Drawing closer with every wretched beat
The Earth has shut its eyes in fear
It knows the need for flesh is clear

The crows are coming
Sent from the deepest darkest seat
To search for rancid or living meat
Nothng to stop their lust for blood
Nothing to stem the push of the flood

The crows are coming
A cloud of darkness out to meet
The child, the mother, from every street
Their bones to scatter their souls to steal
To caverns of eternal things concealed

The crows are coming
There is no escape through heroic feat
So I will stand and prepare to meet
The crows are coming
The crows are coming

Oerwoud

2006-11-25T18:23:00.000Z

Die skim gloei
- vir 'n oomblik -
in die blou van die maan
tussen ou bome en jong struike
glip hy tussen die skadu's van Tyd

Kyk om en hy's weg
Kyk weer na vore en hy's terug
(met 'n sug van genoegdoening)
my aankomende ewigheids versoening

ek hoor hoe klop
'n brose onewigheid
soos 'n vlinder in my bors

binnekort kom hy met die sleutel
om die vlinder te verlos

N A U A

2006-11-14T21:52:00.001Z

NOTHING

AMAZES

US

ANYMORE

Oggend Son oor Kanada

2006-11-14T21:40:00.000Z

Die strale loer
knipoog onder 'n wolk.
Met beteuelde honger
- aangeleer oor vele ringjare -
wag die trotse bome teen
heuwels
op aandag.

Swyend dog in glorie
Forseer die Son sy volle skyn fort
'n antiklimaks
Dis maar net 'n kille gloei
'n Illusie van hitte
Vir my - geen Afrika bron.

Tog, vir hierdie bome
is dit genoeg.

Totius

2006-11-04T01:22:00.000Z

Ek het Totius se "Passieblomme" digbundel in die hande gekry. Hy het dit geskryf om die dood van twee van sy kinders te verwerk.
Wat 'n meester.
Wat 'n onwrikbare geloof.
Hoe kan iemand wat so baie hartseer moes deurmaak nog aanhou glo aan 'n Liefdevolle Skepper?
Die toetse wat hy moes deurmaak sou te groot gewees het vir my.
Ek het nie helfde sy innerlike krag nie.
Dus lees ek Totius met bewondering, hartseer, en op die ou dag...
... 'n bietjie meer moed.

PS. Ek wonder wat Totius sou dink as ek 'n TOTIUS tattoo sou kry...?

26 Sekonde vrou

2006-10-30T19:24:00.000Z

Sy het 18 jaar gehad
Geheues en geluk
Trane en gesprekke
Al die klein dramatjies
Wat ons so inmekaar vleg

En toe eendag kom daar iets
Iets - nie iemand
En gryp haar weg
En haar laaste oomblikke
Was langer as 18 jaar

Hel is vir ewig
'n rooi Ink wat bloei
En syfer oor die bladsye
van ons kort lewens
'n Wanhoop virus

Amandla! - (Cry My Beloved Country)

My kuns webwerf werk! My Art website works!

2006-10-16T02:12:00.000+01:00

Gaan loer daar!!
Go check it out!!
http://www.vanrenenart.com

Episode1: Kan Eben Potgooi?

2006-10-03T02:32:00.000+01:00

Hel, kom ons probeer. Kliek hier!
Dankie aan Glen van die ZA Show, Johan van potgooi.eu, en Boerseun vir al hulle hulp en ondersteuning.
Gee my 'n verf doek en olie verf of 'n mikrofoon en kitaar en ek is ok, maar sit my voor 'n rekenaar en sien hoe die bloeddruk die hoogtes opskiet...
Sonder die ouens sou ek nooit dit kon doen nie!!!!

e
Terloops. "Fritz" is my gunsteling held van klein tyds af (Luitenant Fritz Deelman boeke deur Leon Rousseau.)
Skryf gerus in op my RSS feed hier onder op die 'icon'!

7th of the 7th

2006-07-07T08:06:00.000+01:00

Sunblazed windows scatter light
Joylessly about
Impervious
To It's intentions

The Shadow stirs the air
And moves unseen across
The darkest street
Melting heat

With eyes framed
So dark
You feel them tear
Right through your heart

And the light...

The door opens a wave of sound
Cutlery and me
And Darkness' choice
Is Table Seven

As he slides across the room
Heavy is his walk
But set
Is his way

Embraced by Death
Abandoned by God
He just waits
As he hides

From the Light...

I wrote this song a long time before 7 - 7. The actual title of the song is "Wrong Time Wrong Place", which I will be performing tonight for the last time on stage ( in Twickenham ).

Tot volgende keer

2006-07-03T15:06:00.000+01:00

As ek 'n berg was
Sou ek jou met al my rotse
My bosse en kranse
Spoorloos laat verdwyn het

As ek die koue see was
Sou my branders hul wit arms
Jou om jou keel beet gekry het
En in my diepe kelder verslind het

Maar die Berg doem swyend op
Sy takke en rotse ken geen grein
Van die mens se natuur
Die See se siklus breek en bou
Ignoreer my wraak en planne
Soos skuim in die Weskuswind

Dus sal ek wag vir die dag
Wanneer ek ook deel van die elemente is
My takke sal ek versteur en jou uitsoek
My siklus sal skielik verander
En jou kinders se kinders
Sal die Frats nie sien kom nie.

Ek verstaan jou nie

2006-05-28T18:48:00.000+01:00

Jy het my ontvou
Met my Melkbosstrand jeug
My Pa se trots
En my Ma se hande wat opbou

Maar wat dan van die krete in die nag?
Die vroue en kinders wat wag...
Wag... en swik
Onder jou stilte, jou Vyand
Vry om hulle te jag

Jy het my vereer
My 'n jonge Taal gegee
'n Asem vir my ou siel
'n ewige Salf vir die seer

Maar deur die ewige nag van die verslindes
Luister wie?
En wie tel hulle op?
Hulle het niks oor nie
En Jy is 'n plafon bo die bed
Sonder antwoorde, sonder gesig

Hoekom het jy my gekies?
En ek verstaan nie jou nie.

Die Moddereiland Potgooi

2006-04-07T09:47:00.000+01:00

Die Moddereiland Potgooi

My band se oondvars nuwe liedjies

2006-04-03T09:06:00.000+01:00

Luister na ons nuwe opnames!

http://www.ubl.com/chihoda

Blou Valkie

2006-03-26T19:34:00.000+01:00

Goue spatsels vlek en spring vanaf die glas tot op my hand
Terwyl ek die blou valkie deur ons kombuis venster beloer
Die blou beveerde Stratosjagter troon statig oor sy karkas
My hand begin na die kraan te soek en rond te tas
Nie veel groter as my vuis sit hy - 'n monument van ganse beheer
Ons agterplaas word só, elke middag beleer

Dag en Nag

2006-03-10T21:11:00.000Z

Die walms wieg verleidelik op die son-gebakte vlakte
My are klop sterk onder die bruin van my hand
Die ryer en gemsbok dwaal gerus hier dan daar
Ek ruik die sweet-en-bos-en-blou lug
Ek lag, my hemp is oop en vuil
Maar ek gee nie om nie
Ek kyk weer om my rond;
Die mure staan en blokkeer die wêreld, asemloos
Die hand wat die papier vashou smelt vaal saam
Mens en masjien skreeu saam en teen en oor mekaar
Gemors en kar ruk aan my neusgate tot ek snak na lug
My hemp is toe en ge-das, bedek met 'n jas
En ek gee nie meer om nie

Mense van die Donker Kas

2006-02-07T13:54:00.000Z

Daar was 'n man gewees
Wat op 'n klip gesit het
en vergeefs gebid het.

Daar was 'n vrou gewees
Wat in die lang gras gekrul was
en omvou het Wat Was.

Hulle oë was toe gelas
Deur gebeure uit 'n donker kas
Die enigste ander verbintenis was
Dat hulle altwee saam alleen was.

1. Een

2006-01-10T20:03:00.000Z

Wat is een met my?
Vra die brokkelende man
Terwyl hy gehurk sit op die wal
Langs die rivier wat deur die aarde sny.

Soos my droom helderheid
‘n Gemors, ‘n getuimel
Wat is werklik in dié geskuimel...
Werklik?

En antwoorde sal nooit kom
van dié gepeins
Die wal beweeg en die water staan stil
Dis simpel

Soos twee treine
met hul passasiers mors.

Ogiesdraad

2005-12-12T21:00:00.001Z

Droewig
vol gate
sonder meer
verlate

'n duisterling
'n deinsing
'n skim se nuttelose
peinsing

betag...

Die Heelal
in lyn en kleur
'n Groot Liefde
verruklik en teer
wiegend in die skrale briesie
'n spatsel beweging wat my meesleur

en ek voel die Asem roer
deur die ogiesdraad van my dop
deur die stegies en stroompies van my wese
en ek kyk op;
en swyg
want die Groot Stem praat nou;
en ek verstaan net vir 'n kosbare oomblik
my plek;

Die verskil tussen nietig en klein
Liefde se Doper is Pyn
Die Heilige Kontras
En tussenin
Sit ons vas.

Surings

2005-12-03T21:58:00.000Z

Hoe moet ek maak?
Gediggies oor Natuur?
Blommetjies geel en suur?

Moet ek dig oor die Liefde?
Die nooi so mooi in rooi?
Van bloos of reguit na die kooi?

Vreemde digters in ander lande
Of eie's van ander tye
Kon skaflik vry oor die lewe seil
Maar God kyk toe, terwyl
Die suurreën my siel bevuil
Swartgekoek
My taal aan skerwe
My drome
My mense onderwerpe
'n Banneling
'n Skuldige ding
Onkruid, suur en gesny.

Die blommetjies van my jeug
'n Voorsmaak vir my ...

McGuyver - 1993 tot 2005

2005-12-03T21:51:00.000Z

Man met sandale
Gooi wit skulpe vir my hond
Wye Hemel strand

Wie is ons?

2005-11-15T20:32:00.000Z

[Hierdie is die lirieke van my eerste Afrikaanse liedjie:]

Dorre vlaktes roep my naam,
In 'n taal wat ek verstaan.

Inmekaar en ingevou,
Nutteloos - ons moet onthou.

Wie is ons?
Wie is ons?

Hierdie hande voel so leeg,
Van-beloftes-sweer en trane pleeg.

As ek maar nog een keer kan,
Vasberade op kan staan.

Wie is ons?
Wie is ons? ( x 2 )

En ek weet nie mooi waar my huis is nie,
Nee ek weet nie mooi waar ek tuis is nie.

Verlede van 'n enkeling,
Môre wag dieselfde ding.

Nes my mense van die wind,
Is ek vry of is ek blind?

Wie is ons?
Wie is ons? ( x 2 )

En ek weet nie mooi waar my huis is nie,
Nee ek weet nie mooi waar ek tuis is nie...

Strayed

2005-11-15T20:08:00.000Z

A boy walks down a street dusk-gold
Preceded by that twin so dark
Knowing now Sorrow's jealous mark
As he feels its weight so cold.

He edges to his home but strays
As his feet turns his soul around
Towards the whisper ocean sound
But ends up in the alleyways.

Never again was he heard or found
Until I peered at mirror glass
And found him cold and still, at last
Behind the lines and beard still bound.

Silent Night

2005-11-10T10:56:00.000Z

When again I broke and fell
Besieged, assailed under the misty night
When they came across from hell
Black crows in that horror tight

I took one last breath of light
Right before the Red Moon shone
It's malice through charred wings in flight
And stood amids the fury alone.

This time no saviour to come
No voice over the frenzied drone
I knew my time was done
And stood amids the fury alone.

Cold Sun Afternoon

2005-11-09T11:50:00.000Z

Sensitivities unfold painfully slow,
Flaking away to reveal the truth below;
An ugly length of time we managed to hide,
Our knowledge, acceptance of the great divide.
To voice the rift is to admit the guilt,
'So you're the one who broke what was built?'
Instead we sit and stare and pace,
In silent agreement of what we won't face.
Until once again, the numbness returned,
Wrapped even tighter over what once burned.

Londen op 'n Vrydag

2005-10-31T21:31:00.000Z

Die soja latté stoom warm lug
'n Beker wat saam salig sug
Terwyl ek uit die winkel skouer
Vas teen die varste winter koue

Die geknars van my Times koerant
Saamgepers in my handskoen hand
Por my aan ná my week se geswoeg
Haastig oor die pad na my Engelse kroeg

Dan het ek my pyp en Duitse bier
Alles raak mos weer rustig hier
En trek ek diep my Suid-Afrikaanse tabak
En haal ek my ouers se brief, uit my sak.

Sketches

2005-10-21T20:31:00.000+01:00

You end my day
When you walk away
So strong and sweet
On fragile feet

Onder 'n koue maan.

2005-10-21T19:43:00.000+01:00

Vat, glip en vergryp
Ink bloeisels krap vergeefs
Met skarrel-wind woede vergaan hulle
Onder wit brander blaaie
'Ek vrek oor jou'.

Doringbos takke strek peinsend uit
'Ek wag-'n-bietjie hier'
Lag ek vir myself en ril
My leuen is koud en kil
'Dit gaan voor die wind'

Dit gaan voor die wind
Ja.
Lief.
Koud en kil.

Kampvegter

2005-10-19T12:51:00.000+01:00

Uitgeput lê die figuur in die stof
gebroke vuiste
geskeurde klere
sand in elke sweer gekoek
en tog...
'n gedagte
'n resolusie

Die honde wat rondom hom wag
is vet, kwylend en waaksaam
'n massa
spier en wraak
en tog...
die figuur in die stof lyk stil
uiteindelik
finaal

Die vet man in die hoek vee sy mond af
die haat drup van sy ken tot op sy walglikheid
"Maak gou!"
Sy honde beweeg weer
en tog...
Is dit werklik verby?
Het die son verdwyn?

Êrens bo die geraas van blinde stemme
dring daar 'n ligstraal verbysterd deur
Reg deur die 'tevergeefs' sny 'jy kan'
'jy gaan'
'nou'
en toe...
Maak die figuur
weer sy oë oop.

Die man en sy honde verstar.